طريقه عمل الارز باللوز والزبيب

[هاله صبحي]

طريقه عمل الارز باللوز والزبيب



المكوّنات

1. كوب أرز بسمتي نوع نضيف زي الضحى
2. 300 جرام لحمة او على حسب الرغبة
3. زبيب
4. لوز
5. ملعقة كبيرة كركم
6. عيدان قرفة
7. حبهان وورق لوري
8. ملح وفلفل أسود
9. سمنة



الخطوات
1. نغسل الرز وننقعه في مية تغطيه لمدة أربع ساعات


2. نغسل الزبيب وننقعه لمدة أربع ساعات وبعدين نصفيه ونحمره في شوية سمن صغيرين


3. اللوز نديله غلوتين على النار وبعدين نقشره ونقسمه نصفين ونحمره في شوية سمن صغيرين


4. نغسل اللحمة ونسلقها في ماء وفلفل اسود وحبهان وورق لوري ونحط الملح في الاخر


5. نجيب الرز بعد ما نقعناه ونحطه في حلة ونحط عليه شوربة اللحمة بعد ما نصفيها ونحط القرفة وشوية حبهان وملعقة كركم كبيرة والملح بتاعنا عادي ولازم مقدار المية يكون اكتر من المقدار اللي بنحطه على الرز العادي


6. بعد ما الرز يتشرب نوطي النار خالص وبعد ما يستوي نقلب الحلة في صينية مدورة مسطحة ونحط من فوق الزبيب واللوز


7. نجيب اللحمة ونشوحها في شوية سمن صغيرين


8. كده خلصت الأكلة ممكن تقدمي معاها سلطة خضرا او مخلل وبألف هنا وشفا